بھارتی ترانے پر ہاتھ دل پر رکھ دیا : بائیڈن شرمسار

امریکی صدر جو بائیڈن کی ایک اور بھول چوک سامنے آگئی، اس مرتبہ بائیڈن وائٹ ہاؤس میں بھارتی وزیر اعظم کا استقبال کرتے ہوئے غلطی کھا گئے ہیں۔بائیڈن نے جمعرات کی صبح اپنی شرمساری کا ایک اور منظر دنیا کو پیش کیا۔ انہوں نے ہندوستانی قومی ترانہ بجانے کے دوران اپنے دل پر ہاتھ رکھ لیا اور وائٹ ہاؤس میں بھارتی وزیر اعظم مودی کا استقبال کیا۔ یہ صدر بائیڈن کی حالیہ ترین لغزش تھی۔یہ شرمناک صورتحال تقریباً 7 ہزار افراد کی موجودگی میں پیش آئی۔ بائیڈن بھارتی وزیر اعظم کے اعزاز میں منعقد ہونے والی پارٹی کے مہمان تھے۔ امریکی فوج کے پرانے گارڈ کے ایک بینڈ نے جنوبی لان میں حب الوطنی پر مبنی موسیقی بجائی۔جب ہندوستانی قومی ترانے کے پہلے نوٹ شروع ہوئے تو بائیڈن نے اپنا دایاں ہاتھ اپنے بائیں سینے پر اٹھایا اور اسے تقریباً 15 سیکنڈ تک وہیں چھوڑ دیا۔ پھر انہوں نے اسے آہستہ آہستہ نیچے کیا۔ انہیں بظاہر یہ احساس ہوا کہ بینڈ امریکی قومی ترانہ نہیں بجا رہے تھے۔صدر ماضی میں بہت سے غلطیوں کا ارتکاب کر چکے ہیں۔ کبھی وہ اپنے عہدیداروں کا نام بھول جاتے ہیں اور کبھی دنیا بھر کے رہنماؤں سے گفتگو کرتے ہوئے ان کی زبان پھسل جاتی ہے۔