لاہور(سپورٹس رپورٹر)سابق فاسٹ بائولر شعیب اخترنے کہاکہ میں پوچھتا ہوں کہ بابر اعظم کو سب سے پہلے کپتان کس نے بنایا؟ ویسے وہ آئن سٹائن کون تھا؟ میں یہ جاننا چاہتا ہوں کہ وہ شخص کون ہے۔ کیا بابر قومی ٹیم کی کپتانی کیلئے کوالیفائی ہوا تھا یا نہیں؟ کیا بابر کو کپتان بننے کے بارے میں ایک یا دو باتیں بھی معلوم ہیں؟ میں کہہ رہا ہوں کہ بابر اعظم میں کپتانی کی صلاحیت نہیں ہے۔ سابق بھارتی کرکٹر سری کانت نے ٹی ٹوئنٹی کرکٹ میں پاکستانی کپتان بابر اعظم کے بارے میں اپنے حالیہ تبصروں سے تنازعہ کھڑا کر دیا ہے۔انہوں نے تجویز کیا کہ پاکستانی کپتان ٹیسٹ فارمیٹ کیلئے بہتر ہوسکتے ہیں۔ مجھے نہیں لگتا کہ بابر اعظم کو ٹی ٹونٹی کرکٹ کھیلنی چاہیے۔ ہو سکتا ہے یہ ایک اچھا ٹیسٹ کرکٹر ہو۔ یہ میری رائے ہے۔