لاہور(سپورٹس رپورٹر )ورلڈ چیمپئن شپ آف لیجنڈز کرکٹ کی دنیا کا ایک بڑا ایونٹ بننے کو تیار ہے۔انگلینڈ اینڈ ویلز کرکٹ بورڈ سے منظورشدہ یہ لیگ 3 جولائی سے 13 جولائی تک برطانیہ میں ایجبسٹن اور نارتھمپٹن شائر کاونٹی کرکٹ کلب کے میدانوں میں کھیلی جائیگی۔ اس لیگ کی نمایاں خاصیت پاکستان اور بھارت کا میچ ہوگا جس پر دنیا بھر توجہ مرکوز ہے اس میچ کی ٹکٹیں پہلے ہی فروخت ہوچکی ہیں۔ڈبلیو سی ایل میں دنیا بھر سے بڑے نام جیسے شعیب ملک ، شاہد آفریدی ، مصباح الحق، وہاب ریاض ، سرفراز احمد، روی بھوپارہ یوراج سنگھ ، ہربجن سنگھ، سریش رائنا ، عرفان پٹھان اور کرس گیل شامل ہیں۔