ایشین سنوکر چیمپئن شپ کیلئے پاکستان ٹیم کا اعلان

لاہور(سپورٹس رپورٹر)سعودی عرب میں شیڈول ایشین سنوکر چیمپئن شپ کیلئے پاکستان سنوکر ٹیم کا اعلان کردیا گیا۔ قومی کیوئسٹس ٹیم ایونٹ اور 6ریڈ ایونٹ میں شرکت کریں گے۔ ایشین انڈر 21 مقابلوں میں بھی قومی کھلاڑی ایکشن میں ہوں گے۔اسجد اقبال، اویس اللہ منیر، احسن رمضان پاکستان کی نمائندگی کریں گے جبکہ حسنین اختر، حمزہ الیاس بھی سکواڈ میں شامل ہوں گے۔ایشین ٹیم، انڈر 21 اور 6یڈ چیمپئن شپ 26 جون سے شروع ہوگی۔ ایشین مقابلوں میں شرکت کیلئے قومی سنوکر کیمپ کراچی میں شروع ہوگیا۔تاحال سعودی عرب کے جانب سے ویزوں کا اجراء نہیں ہوسکا۔ایشین ٹیم چیمپین شپ میں بھارت اپنے ٹائٹل کا دفاع کرے گا جبکہ ایشین انڈر 21 چیمپین شپ  میں پاکستان کے محمد احسن رمضان دفاعی چیمپئن ہیں ۔ ایران سکس ریڈ ایشین چیمپئن شپ کا ٹائٹل ہولڈر ہے۔ قومی کھلاڑیوں نے تربیتی کیمپ میں بھرپور مشقوں کا اغاز کر دیا۔