کوٹ ادو (نوائے وقت رپورٹ) کوٹ ادو میں پسند کی شادی کرنے پر مبینہ طور پر لڑکی کے رشتے داروں نے فائرنگ کر کے جوڑے کو قتل کر دیا۔ پولیس کے مطابق لڑکی نے ایک سال قبل پہلے شوہر سے طلاق لینے کے بعد پسند کی شادی کی تھی۔ پسند کی شادی کرنے پر مبینہ طور پر لڑکی کے والد، بھائی اور سابق شوہر نے گھر میں گھس کر فائرنگ کی اور جوڑے کو قتل کر دیا۔ لاشوں کو پوسٹ مارٹم کے لئے دیہی مرکز صحت سنانواں منتقل کر دیا گیا۔