گوجرانوالہ میں ٹرانسفارمر گرنے سے 5موٹرسائیکل خاکستر‘2 کمسن بچیاں جھلس گئیں

گوجرانوالہ (نمائندہ خصوصی )ٹرانسفارمر آگ لگنے کے باعث زمین پر گرنے سے پانچ موٹر سائیکلیں جل کر خاکستر جبکہ دو کمسن بچیاں بری طرح جھلس گئیں‘رتہ روڈ جامعہ قاسمیہ والہ گلہ میں ٹرانسفارمر میں اچانک آگ لگ گئی اور کچھ ہی لمحوں بعد ٹرانسفارمر بھی زمین پر گر گیا جس کے نتیجے میں آگ کے شعلے اوپر گرنے کے باعث چار سالہ ہانیہ اور تین سالہ آیت بری طرح جھلس گئیں جبکہ کھمبے کے قریب کھڑی پانچ موٹر سائیکلیں بھی آگ کی لپیٹ میں آنے سے جل کر خاکستر ہو گئیں ،متاثرہ بچیوں کو طبی امداد کی فراہمی کیلئے فوری طور پر ڈسٹرکٹ ہسپتال منتقل کیا گیا۔