کلر سیداں (نامہ نگار)دو نامعلوم موٹر سائیکل سواروں نے میلے پر جانے والے نوجوان کو گولی مار کر زخمی کر دیا۔20سالہ دانش امتیاز نے پولیس کو بتایا کہ میں اپنی موٹر سائیکل پر بیٹھ کر میلا دیکھنے بسنتہ جا رہا تھا اور جب بھاٹہ روڈ نزد پکی قبراں قبرستان کے قریب پہنچا تو پیچھے سے موٹر سائیکل پر سوار دو نامعلوم نوجوانوں نے میرے قریب آ کر کہا کہ سائیڈ پر موٹر سائیکل چلایا کرو اور پھر پیچھے بیٹھے نوجوان نے پسٹل نکال کر سیدھا فائر مجھ پر کیا جو مجھے میرے بائیں ٹانگ کی پنڈلی پر لگا جس سے میں زخمی ہو کر گر گیا اور ملزمان ملزمان موقع سے فرار ہو گئے۔