پی پی رہنما شازیہ مری نے کہا ہے کہ ایک طبقے کو ٹارگٹ نہ کریں جو پہلے سے ٹیکس دے رہا ہے، تنخواہ دار طبقے پر مزید ٹیکس لگائے گئے۔
تفصیلات کے مطابق اظہار خیال کرتے ہوئے پیپلزپارٹی کی سینئر رہنما کا کہنا تھا کہ بجٹ میں تنخواہ دار طبقے پر مزید ٹیکس لگائے گئے، تنخواہ 37 ہزار رکھی ہے تو اس پر عمل بھی کرایا جائے، یہ بجٹ بلاول بھٹو کی سربراہی میں نہیں بنا، بہتر ہوتا بجٹ میں ٹیکسز کو بیلنس کیا جاتا۔شازیہ مری نے کہا کہ سیاسی لوگوں کو ٹیکس نیٹ میں کیوں نہیں لایا جاتا، کڑوا گھونٹ ہم نے پینا ہے یہ تو ہم نے مان لیا ہے۔ان کا کہنا تھا کہ پیٹرول پر لیوی 60 سے بڑھاکر 80 روپے کردی گئی، وزیرخزانہ نےغلط بیانی کی کہ بلاول بھٹو کو بجٹ پر اعتماد میں لیا تھا، پنجاب میں ہمارے ارکان کو نظر انداز کیا جارہا تھا۔شازیہ مری نے کہا کہ پہلے سے ٹیکس دینے والوں کو ہی ٹیکس کامزید رگڑا لگ رہا ہے، ہیلتھ سیکٹر پر 18 فیصد ٹیکس لگا دیا ہے۔سندھ میں ہمارے پاس 10 این آئی سی وی ڈی اسپتال ہیں، این آئی سی وی ڈی سے ہر سال 23 لاکھ لوگ علاج کراتے ہیں. اس میں بڑی تعداد دوسرے صوبے سے آنے والوں کی ہے۔شازیہ مری نے کہا کہ بلاول نے کہا ایک این آئی سی وی ڈی جیسا اسپتال بنا کر دکھائیں. اگر بنا نہیں سکتے تو جو ہیں ان پر بوجھ نہ ڈالیں۔