لاہور (سپورٹس رپورٹر) نوائے وقت کی70ویں سالگرہ پرشوبزکی اہم شخصیات نے مبارکباد دیتے ہوئے اسے اصولی اور نظریاتی صحافت کا علمبردار قرار دیا۔مصطفی قریشی نے کہا کہ نوائے وقت نے حمید نظامی سے مجید نظامی تک دوقومی نظرئیے کی پاسداری کی ۔شاہدہ منی نے کہا کہ نوائے وقت کی70ویںسالگرہ پرمیں اس عظیم ادارے کے سربراہ مجید نظامی اور تمام کارکنوں کو مبارکباد پیش کرتی ہوں،وینا ملک نے کہا کہ حمید نظامی نے 23مارچ کو پودا لگایا تھا مجید نظامی کی سرپرستی میں تناور درخت بن چکا ہے، معمر رانا نے کہا کہ نوائے وقت نے نظریاتی اخبار ہوتے ہوئے بھی فنون لطیفہ کی ہمیشہ سرپرستی کی ہے۔سہیل احمد نے کہا کہ نوائے وقت واحد مستقل مزاج اور باکردار اخبار ہے جس کے پڑھنے والے بھی سچائی پسند اورحقیقت پسند لوگ ہیں۔