لاہور (نمائندہ سپورٹس+ سپورٹس رپورٹر) ٹی ٹوئنٹی کرکٹ ٹیم کے کپتان شاہد خان آفریدی نے انٹرنیشنل کرکٹ سے ریٹائرمنٹ کا اشارہ دے دیا ۔ منگل کو موہالی میں ٹی 20 ورلڈ کپ کے اہم میچ میں نیوزی لینڈ کے ہاتھوں 22 رنز سے شکست کے بعد میڈیا سے گفتگو کرتے ہوئے شاہد آفریدی کا کہنا تھا کہ اب ہمیں شکست کو بھول کر اگلے میچ پر فوکس کرنا ہو گا ۔ انہوں نے کہا کہ ہو سکتا ہے کہ اگلا میچ میرے کیرئیر کا آخری میچ ہو۔ شاہد آفریدی نے کہا کہ نیوزی لینڈ کے خلاف میچ میں ہم سے بہت زیادہ بالیں ضائع ہوئیں جس کی وجہ سے شکست کا سامنا کرنا پڑا ۔