پنجاب فلم سنسر بورڈ کی چیئرپرسن زیبا بیگم آج ہلال امتیاز وصول کریں گی

لاہور (کلچرل رپورٹر) پنجاب فلم سنسر بورڈ کی چیئرپرسن اور اداکارہ زیبا بیگم اسلام آباد پہنچ گئیں۔ وہ آج ایوان صدر میں یوم پاکستان کی تقریب میں شرکت کریں گی اور صدارتی ایوارڈ ہلال امتیاز وصول کریں گی۔ زیبا بیگم نے نوائے وقت سے گفتگو کرتے ہوئے کہا کہ مجھے ہلال امتیاز ملنے کی بہت خوشی ہے اور اگر آج محمدعلی زندہ ہوتے تو میری یہ خوشی دوبالا ہو جاتی۔