گوجرانوالہ (نمائندہ خصوصی )گوجرانوالہ سے لاپتہ ہونیوالے پنجاب یونیورسٹی کیمپس کے لیکچرار آئی ٹی کا کوئی سراغ نہ مل سکا۔ پنجاب یونیورسٹی کیمپس میں آئی ٹی لیکچرار ذیشان گزشتہ روز چھٹی کے بعد گھر روانہ ہوئے جو راستے میں لاپتہ ہو گئے تھے جن کا تاحال کوئی سراغ نہیں مل سکا تاہم پولیس نے لاپتہ ہونیوالے لیکچرار کی گاڑی ڈسٹرکٹ ہسپتال کی پارکنگ سے برآمد کر لی ہے جبکہ ورثاءنے بھی تھانہ سول لائن میں ان کے لاپتہ ہونے کی درخواست جمع کروا دی ہے یونیورسٹی ذرائع کا کہنا ہے کہ لیکچرار ذیشان شعبہ آئی ٹی میں کنٹریکٹ پر بھرتی تھے جو کل چھٹی کے وقت یونیورسٹی سے گھر کیلئے نکلے اور راستے میں لاپتہ ہو گئے جبکہ سول لائن پولیس کا کہنا ہے کہ تحقیقات کا آغاز کر دیا گیا ہے جلد اصل حقائق سامنے آجائیں گے۔
لیکچرار اغوا