لاہور (نمائندہ سپورٹس+سپورٹس رپورٹر) آسٹریلیا نے پاکستان کو پہلا ون ڈے میچ 8وکٹوں سے ہراکر پانچ میچوں کی سیریز میں ایک صفر کی برتری حاصل کرلی ۔ پاکستان نے حارث سہیل کے ناٹ آئوٹ 101رنز کی بدولت پانچ وکٹوں پر 280رنز بنائے ۔ امام الحق 17‘شان مسعود 40‘عمر اکمل 48‘شعیب ملک گیارہ اور فہیم اشرف 28رنز بناکر آئوٹ ہوئے ۔ عماد وسیم 28رنز پر ناٹ آئو ٹ رہے ۔ کولٹر نائیل نے دو ‘رچرڈ سن ‘نتھن لیون اور میکس ویل نے ایک ایک کھلاڑی کو آئوٹ کیا ۔آسٹریلیا نے ہدف 2وکٹوں پر 49اوورز میں پورا کرلیا ۔ عثمان خواجہ 24اور کپتان ایرون فنچ 116رنز بناکر آئوٹ ہوئے ۔ شان مارش 91اور پیٹر ہینڈز کومب 30رنز پر ناٹ آئوٹ رہے ۔ محمد عباس اور فہیم اشرف نے ایک ایک وکٹ حاصل کی ۔ ایرون فنچ کو میچ کا بہترین کھلاڑی قرار دیا گیا ۔ دونوں ٹیموں کے درمیان سیریز کا دوسرا میچ کل کھیلا جائے گا۔ میچ پاکستانی وقت کے مطابق شام شار بجے شروع ہوگا۔