لاہور(سپورٹس ڈیسک ) میکسیکن فٹبال لیگ کے صدر ایرک بونیلا میں کرونا وائرس کی تصدیق ہوگئی۔ ورلڈ ریکارڈ ہولڈر میراتھن اتھلیٹ کیپچوگے احتیاطی تدابیر اختیار کرتے ہوئے آئسولیشن میں چلے گئے۔اٹلی کے کلب یوونٹس کے ارجنٹینا کے فٹبالر پاؤلو دیبالا اور ان کی گرل فرینڈ کورونا وائرس کا شکار ہو گئے ہیں۔ سابق سری لنکن کپتان کما ر سنگا کارا نے وطن واپسی کے بعد خود ساختہ قرنطینہ کرلیا ہے ۔ آسٹریلین کرکٹر جیسن گلپسی بھی خود ساختہ قرنطینہ میں چلے گئے ہیں ۔اے سی میلان فٹبال کلب کے سابق دفاعی کھلاڑی مالڈینی اور ان کے بیٹے اسی کلب کے موجودہ کھلاڑی ڈینیئل کے کرونا ٹیسٹ مثبت نکلے ہیں ۔ برازیل کے لیجنڈ فٹبالر پیلے بھی کرونا وائرس کی وجہ سے قرنطینہ میں چلے گئے۔مانچسٹر یونائیٹڈ کے سابق مدفیلڈر مروان فیلانی میں کرونا وائرس کی تصدیق ہو گئی ہے۔