مساجد‘ نماز جمعہ بند کرنے سے کرونا پر قابونہیں پایا جاسکتا:علامہ خادم رضوی

لاہور (خصوصی نامہ نگار)تحریک لبیک پاکستان کے سربراہ علامہ خادم رضوی نے کہا ہے کہ کرونا سے ڈرنے کی بجائے دنیا اللہ تعالیٰ سے توبہ کرے۔خدا گناہوں کی وجہ سے قوموں پر عذاب نازل کرتا ہے۔اللہ کی شان ہی نہیں کہ وہ کسی پر ظلم کرے۔ظالموں کی پکڑ ظلم کی وجہ سے آتی ہے۔کرونا سے ڈرنا نہیں لڑنا کی منطق بند کی جائے۔مساجد اور جمعے بند کرنے سے کرونا ختم نہیں ہو سکتا۔مسلمانوں کی تاریخ کے مطابق جب بھی عذاب آیا قوم اللہ کے حضور سجدہ ریز ہوئی۔حکمران اور قوم فوری اپنے گناہوں سے توبہ کرے۔سود،رشوت،کرپشن،چوری،حرام ،ملاوٹ اور ذخیرہ اندوزی فوری ترک کی جائے۔