لاہور(نوائے وقت رپورٹ) وزیر اطلاعات پنجاب فیاض الحسن چوہان نے کرونا کے خلاف ’’ہم ہیں پاکستانی‘ ہم تو جیتیں گے بھئی جیتیں گے‘‘ کا نعرہ لگا دیا۔ عوام کے نام اپنے ویڈیو پیغام میں انہوں نے کہا کہ پاکستان کے 21کروڑ عوام منظم طریقے سے کرونا کو شکست دینے کیلئے متحد ہیں۔ قوم کرونا کے خلاف جنگ میں اپنے سیاسی قائدین اور انتظامیہ کے ساتھ بھر پور تعاون کرے گی۔ فیاض الحسن چوہان نے کہا کہ کرونا وائرس کے کیخلاف جنگ 71,65,48 اور کارگل کی جنگ سے بڑی ہے۔ وزیراعظم عمران خان کی باصلاحیت اور چوکنا قیادت میں ہم یہ جنگ بھی جیتیں گے۔ انہوں نے کہا کہ دہشت گردی کی طرح کرونا کو بھی شکست دینے کیلئے پاکستانی قوم کو اتحاد اور اپنے رویوں کو تبدیل کرنے کی ضرورت ہے۔