بھارت کرکٹ کو سیاست  سے دور رکھے: شاہدآفریدی

لاہور(سپورٹس رپورٹر) سابق کپتان شاہد خان آفریدی نے کہا ہے کہ کرونا کی موجودہ لہر بہت خطرناک ہے، بچاؤ کیلئے ایس او پیز پر عمل کرنا ہم سب کیلئے ضروری ہے، بھارت کرکٹ کو سیاست سے دور رکھے۔ پاکستان کیلئے کرکٹ کھیلی اور عوام نے بہت پیار دیا، بیٹنگ کی پرفارمنس کو باؤلنگ اور فیلڈنگ سے پوری کرتا تھا،  اگر زندگی میں کچھ حاصل کرنا ہے تو اس کیلئے محنت لازمی شرط ہے۔بچیوں کی تعلیم کے حوالے سے ٹھوس اقدامات اٹھا رہا ہوں، بچوں کیساتھ ساتھ بچیوں کی تعلیم بھی بہت ضروری ہے، بچوں کیلئے کرکٹ اکیڈمی بھی بنائیں گے ۔