لاہور (نامہ نگار) ڈاکوؤں اور چوروں نے شہرکے مختلف علاقوں میں وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ڈاکوؤں نے گلشن راوی کے علاقے میں بلال کے گھرگھس کر اہلخانہ کو گن پوائنٹ پر یرغمال بنا کر5لاکھ 35ہزار روپے مالیت، ہئیرکے علاقے میںسکندرکے گھر سے 4لاکھ 76ہز ار روپے مالیت، مسلم ٹاؤن کے علاقے میں طیب اور اس کی فیملی کو یرغمال بنا کر 4لاکھ 12 ہزار روپے مالیت، نشتر کالونی کے علاقے میںجنیدکے گھر سے3 لاکھ 40ہزار روپے مالیت نقدی، طلائی زیورات، موبائل فون اور دیگر ساما، چوہنگ میں علی سے95 ہزار روپے اور موبائل فون، فیصل ٹاؤن میںعمار سے90 ہزارروپے اور موبائل فون، شاد باغ میںطلحہ سے65ہزار روپے اور موبائل فون، ملت پارک میںعمران سے 57ہزار روپے اور موبائل فون، ریس کورس کے علاقے میں ریاض سے47 ہزار روپے اور موبائل فون، جنوبی چھاؤنی میں قا سم سے33ہزار روپے اور موبائل فون لوٹ لیا ہے۔ چوروں نے جوہر ٹاؤن اور مناواں کے علاقوں سے دو گاڑیاں جبکہ راوی روڈ، ریس کورس، ٹاؤن شپ، کاہنہ اور شادباغ کے علاقوں سے پانچ موٹر سائیکلیں چوری کر لیں۔