کرونا کے پیش نظر علاقائی سطح پر آگاہی مہم چلائی جارہی ہے :رانا طاہر رشید

شیخوپورہ (نمائندہ نوائے وقت) تحریک انصاف اوورسیز پاکستانیز و پاک عرب بزنس فورم جدہ سعودی عرب کے ایڈیشنل جنرل سیکرٹری حاجی رانا طاہر رشید نے کہا ہے کہ کرونا وائرس کی حالیہ لہر کے پھیلائو کو روکنے کے حوالے سے وزیراعظم عمران خان کی ہدایات کی روشنی میں حکومت نے بھرپور اقدامات اٹھائے ہیں جن کی عملداری کی خاطر پی ٹی آئی بھی بھرپور کردار اد اکرے گی اور علاقائی سطح پر آگاہی مہم چلائی جارہی ہے جس میں تمام طبقات کو ساتھ لیکر چلیں گے تاکہ عوا م کرونا کی تیسری خطرناک لہر سے اپنی صحت کو متاثر ہونے سے محفوظ رکھ سکیں، اپنے ایک بیان میں حاجی رانا طاہر رشید نے کہا کہ تحریک انصاف شیخوپورہ سوشل میڈیا کے تحت بھی خصوصی آگاہی مہم شروع کی ہے مہم کی صورت میں عوام کو کرونا سے بچاؤ کی تدابیر سے آگاہ کیا جائے گا تحریک انصاف کے کارکن عوام کو گھروں تک محدود رہنے اور بلاضرورت باہر نہ نکلنے کی ترغیب دیں گے۔