گوادریونیورسٹی کی سالانہ کھیلیں شروع، غیر معمولی جوش وخروش

گوادر ( بیورو رپورٹ )یونیورسٹی آف گوادر میں سالانہ سپورٹس ویک  کا آغاز ہو گیا جس کا افتتاح دولت خان رجسٹرار یونیورسٹی نے کیا۔اس موقع پر یونیورسٹی ڈائریکٹوریٹ آف سپورٹس اینڈ ایڈمنسٹریشن کے زیر اہتمام رنگا رنگ تقریب کا انعقاد کیا ۔ افتتاحی تقریب میں پی ایس او وائس چانسلر  رحمت اللّٰہ، ہیڈ آف ایجوکیشن ڈیپارٹمنٹ  مختار بشیر، ہیڈ آف کمپیوٹر سائنس ڈیپارٹمنٹ محمد اکرم، ہیڈ آف کامرس ڈیپارٹمنٹ  مجاہد حسین، یونیورسٹی انتظامیہ، فیکلٹی ممبران، کھلاڑیوں اور طلبہ  نے شرکت کی۔ رجسٹرار  دولت خان نے کہا کہ غیر نصابی اور ہم نصابی سرگرمیاں یونیورسٹی کے تعلیمی کیلنڈر کا ایک لازمی حصہ ہیں ۔  ڈائریکٹر سپورٹس صغیر نسیم نے کہا کہ ہفتہ بھر جاری رہنے والی کھیلوں کی سرگرمیوں میں طلبہ کرکٹ، فٹ بال، بیچ ساکر، بیچ والی بال، رسی پلنگ، ٹیبل ٹینس، اور دیگر مقامی کھیل سمیت مختلف انڈور اور آؤٹ ڈور کھیلوں میں حصہ لیں۔