تارکینِ وطن  30ارب ڈالر سے زیادہ زر مبادلہ وطن بھیج رہے ہیں: عصمت بٹ

لاہور (بزنس رپورٹر)چیف ایگزیکٹو ،سی ای او، راوی ایکسچینج عصمت بٹ نے کہاہے کہ تارکینِ وطن اس وقت  30ارب  ڈالر سے زیادہ زر مبادلہ وطن بھیج رہے ہیں جو ملکی ایکسپورٹ سے بھی زیادہ ہے۔ راوی ایکسچینج کی جانب سے بڑی جیت کیمپین کے موقع پر گفتگو کر رہے تھے۔ انہوں نے کہا کہ راوی ایکس چینج کی اس کمپین سے  بیرونِ ملک سے اپنے پیاروں کو رقم بھیجنے پر6لکی ڈرا کے ذریعے بے شمار موٹر سائیکل ،  موبائل فونز اور دیگر قیمتی انعامات جیتنے کے سنہری موقع سے فائدہ اٹھایا جاسکتا ہے ۔جبکہ بڑی جیت کیمپین کے بمپر پرائز میں سوزوکی آلٹو کاراور دبئی ایکسپو کا ٹوور بھی شامل ہیں۔انہوں نے راوی ایکسچینج کی کیمپین بڑی جیت کی تفصیلات سے آگاہ کرتے ہوئے کہا کہ ویسٹرن یونین اور راوی کے ذریعے ترسیل زر جائز اور ملکی مفاد کیلئے بہت اہم ہے۔یہ کیمپئن15اپریل تک جاری رہے گی۔