کراچی اردو یونیورسٹی کے طلبہ تنظیموں میں تصادم ،کئی زخمی 

کراچی:(نوائے وقت رپورٹ) اردو یونیورسٹی گلشن اقبال کیمپس میدان جنگ بن گئی، دو طلبہ تنظیموں کے درمیان تصادم ہوگیا جس دوران لاٹھیوں اور ڈنڈوں کا کھلا استعمال کیا گیا۔ڈنڈے اور  پتھر لگنے سے متعدد طلبہ زخمی ہوئے جس کے بعد  پولیس اور رینجرز  نے صورتحال کو کنٹرول کیا۔یونیورسٹی انتظامیہ کا کہنا ہے کہ یونیورسٹی کو طلبہ سے خالی کرالیا گیا ہے۔ پولیس کے مطابق دونوں تنظیموں کے درمیان چند روز سے صورتحال کشیدہ تھی، چندطلبہ کے زخمی ہونے کی اطلاعات ہیں لیکن ایم ایل نہیں کرایا گیا، یونیورسٹی انتظامیہ سے کہا ہے کہ وہ ذمیداروں کا تعین کریں، یونیورسٹی انتظامیہ کو مقدمے کیلئے کہا ہے لیکن انہوں نے رابطہ نہیں کیا۔
کراچی یونیورسٹی ،طلبہ تصادم