نواب ٹاؤن میں ڈاکو گھر سے 22 لاکھ روپے، زیورات اور قیمتی سامان لے گئے

لاہور (نامہ نگار) شہرکے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ ڈاکوؤں نے نواب ٹاؤن میں صہیب کے گھر گھس کر اہلخانہ کو گن پوائنٹ پر یرغمال بنا کر 22لاکھ روپے ، طلائی زیورات، موبائل فون اور دیگر سامان، باغبانپورہ میں سجاد اور اس کی فیملی سے گن پوائنٹ پر 3 لاکھ 90 ہزار روپے، طلائی زیورات اور موبائل فون، نشتر کالونی میں ابراہیم سے3 لاکھ  35 ہزار روپے اور موبائل فون، بادامی باغ میں ڈاکو ارسلان سے گن پوائنٹ پر 28 ہزار روپے اور موبائل فون، ساندہ میں اظہر سے 20 ہزار روپے اور موبائل فون، سبزہ زار سے حمید اللہ سے20 ہزار نقدی اور موبائل فون، سندر میں شکیل سے 6 ہزار نقدی اور موبائل فون لوٹ لیا  گیا۔ چوروں نے ہربنس پورہ میںا ویس کے گھر سے9 لاکھ 70ہزار روپے، طلائی زیورات اور دیگر سامان چوری کر لیا اور فرار ہو گئے ہیں۔ چوروںنے جنوبی چھاؤنی، وحدت کالونی، گلبرگ اور رائیونڈ سٹی کے علاقوں سے 4 کاریں، لیاقت آباد کے علاقے سے رکشہ جبکہ مانگا منڈی، مصری شاہ، کاہنہ، لیاقت آباد، مصری شاہ، نصیرآباد اور ڈیفنس کے علاقوں سے 7 موٹر سائیکلیں چوری کر لیں۔