اقتدار نہیں عوام کی فکر ، بھٹو کا مشن ہر صورت پورا کرینگے : نثار کھوڑو 

کراچی(اسٹاف رپورٹر) پاکستان پیپلز پارٹی کے رہنما و سینیٹر نثاراحمد کھوڑو نے پیپلز پارٹی کے بانی و شہید جمہوریت ذوالفقار علی بھٹو کی 44ویں برسی کو ضلعی سطح پر منانے کا اعلان کرتے ہوئے کہا ہے کہ مورخہ4اپریل کو تمام اضلاع میں ذوالفقار علی بھٹو شہید کی برسی کے موقع پر قرآن خوانی و دعائیہ تقاریب منعقد ہوں گی، آصف علی زرداری اور بلاول بھٹو کی قیادت میں شہید ذوالفقار علی بھٹو اور محترمہ شہید بے نظیر بھٹو کے مشن کو ہر صورت پورا کریں گے ، ان خیالات کا اظہارا نہوںنے پیپلز پارٹی رہنما یاسر خان ببر سے ملاقات کے دوران بات چیت کرتے ہوئے کیا، نثار احمد کھوڑو نے کہا کہ ملک کو آمرانہ ذہنیت سے بچانے اور ترقی کی راہ پر ڈالنے والے عظیم لیڈر شہید ذوالفقار علی بھٹو کی سیاسی خدمات اور ملک وقوم کے لیئے دی جانے والی قربانیاں لازوال ہیں، بھٹو خاندان قربانیاں دیکر عوام کی بقا کی جنگ لڑ رہا ہے ہمیں اقتدار کی نہیں عوام کی فکر ہے ذوالفقار علی بھٹو شہید کا مشن بلاول بھٹو پایہ تکمیل تک پہنچائیں گے ،شہید ذوالفقار علی بھٹو نے ملک و قوم کی بہتری ، خوشحالی اور ترقی کے لیئے جس سفر کو شروع کیا وہ سلسلہ پیپلز پارٹی کی قیادت آج تک لیکر آگے بڑھ رہی ہے اور اپنے عظیم لیڈر کے عوامی خدمت کے خواب اور غربت کے خاتمے کے مشن کو پایہ تکمیل تک پہنچانے کے لیئے بھرپور محنت کر رہی ہے ، انہوں نے کہا کہ آئند ہ انتخابات میں ملک بھر سے پیپلز پارٹی کامیاب ہو کر عوام کو بحرانوں سے نکالیں گے آئندہ انتخابات میں عوام جھوٹے دعوے کرنے والوں کو مسترد کردیں گے، ، پیپلز پارٹی پاکستان کی واحد جماعت ہے جس کے لیڈران نے ملک وقوم کے لیئے جانوں کی قربانیاں دیں پیپلز پارٹی شہیدوں کی جماعت ہے جو غریبوں کے حقوق کے لیئے جدوجہد کر رہی ہے ، ملاقات کے دوران رہنما پیپلز پارٹی یاسر خان ببر نے کہا کہ رہنما پیپلز پارٹی سینیٹر نثار احمد کھوڑو پیپلز پارٹی کے سینئر ترین رہنما و انسانیت سے محبت کرنے والے انسان ہیں ، نثار احمد کھوڑو کی قیادت میں سندھ میں پیپلز پارٹی مضبوط ہورہی ہے اور سندھ کی عوام کے لیئے نثار کھوڑو  کی خدمات اور جدوجہد کسی سے ڈھکی چھپی نہیں ہے نثار کھوڑو پیپلز پارٹی کا اثاثہ ہیں ایسی شخصیات صدیوںمیں پیدا ہوتی ہیں جن کی زندگی کا مقصد عوامی خدمت اور فلاح ہوتی ہے ، پیپلز پارٹی واحد سیاسی جماعت ہے جو جب بھی اقتدار میں آئی ملک وقوم کے لیئے بہتری اور خوشحالی لائی سندھ کی بہتری اور ترقی کے لیئے پیپلز پارٹی دن رات محنت کر رہی ہے بہت جلد سندھ کی عوام کو تمام بنیادی سہولیات ان کی دہلیز پر میسر ہوں گی اور سندھ کا ہاری، کسان، مزدور اور غریب طبقہ خوشحالی کی جانب گامزن ہوگا۔