کراچی(اسٹاف رپورٹر) نیو کراچی صنعتی ایریا پولیس کا قاتل، جرائم پیشہ، ڈکیت و اسٹریٹ کرمنلز، گٹکا ماوا ء و منشیات مافیاز اور مفرور و اشتہاری ملزمان کے خلاف ریکارڈ توڑ کاروائیاں 2 قاتل سمیت مجموعی 66 ملزمان گرفتار، بڑی تعداد میں اسلحہ، منشیات، گٹکا ماوا، لوٹا ہوا و چھینا ہوا مال برآمد۔ تفصیلات کے مطابق اعلیٰ افسران کے خصوصی ٹاسک پر ایس ایچ او نیو کراچی صنعتی ایریا چوہدری طفیل نے پولیس پارٹی کے ہمراہ اپنے تھانے کی حدود میں پولیس و مخبروں کا جال بچھا کر کرمنلز، جرائم پیشہ اور مطلوبہ ملزمان کی گرفتاریوں کے لیے جدید خطوط و تیکنیکی نیٹ ورک پر ملزمان کے خلاف بھرپور کارروائیاں کیں اور مجموعی طور پر قتل کے مقدمات میں دو قاتل، ڈکیت و اسٹریٹ کرمنلز، پولیس مقابلے اور چھاپوں میں مجموعی 66 ملزمان گرفتار کر کے گرفتار ملزمان کے قبضے سے تین کلو گرام ہیروئن، ایک کلو آئس، بڑی مقدار میں چرس، بھاری مقدار میں گٹکا ماوا، 10بوریاں کٹی چھالیہ، غیر قانونی اسلحہ، 14پستول، 14 میگزین، متعدد کارتوس، چھینی ہوئی تین موٹر سائیکلیں، کئی موبائل فونز، آلات قمار بازی اور دیگر سامان برآمد کرلیا۔ گرفتار شدگان میں ڈکیت، اسٹریٹ کرمنلز، منشیات فروش، گٹکا ماوا مافیاز و سپلائر، جواری سٹوری، مفرور و اشتہاری بھی شامل ہیں۔ ایس ایچ او نیو کراچی صنعتی ایریا چوہدری طفیل نے ضلع سینٹرل میں کرمنلز و جرائم پیشہ کے خلاف کارروائیوں کا ریکارڈ قائم کرلیا۔ علاوہ ازیں علاقہ معززین نے نیو کراچی صنعتی ایریا پولیس کی کرمنلز کے خلاف کارروائیوں کو سراہا اور شاباش دی۔