رمضان کی آمد پر لندن کا مشہور علاقہ پہلی بار روشنیوں سے منور

لندن کے ویسٹ اینڈ کو تاریخ میں پہلی بار رمضان المبارک کا مقدس مہینہ منانے کے لیے سجایا گیا ہے۔خلیج ٹائمز کے مطابق برطانیہ کے دارالحکومت کے مشہور ضلع کو ہلال کے چاندوں اور ستاروں کی شکل میں فانوس لالٹینوں اور روشنیوں سے سجا دیا گیا ہے، جس میں پیکاڈیلی اور لیسٹر اسکوائر کے درمیان کوونٹری اسٹریٹ پر ”مبارک رمضان“ کے الفاظ لکھے گئے ہیں۔لندن کا یہ علاقہ خلیج سے آنے والے سیاحوں اور شہر کی مسلم آبادی کے بڑے حصوں میں مقبول ہے جو کہ کل آبادی کا تقریباً 15 فیصد بنتا ہے۔ویسٹ اینڈ لندن میں شاپنگ اور سیاحت کے لیے ایک مقبول مقام ہے اور یہاں رمضان کے مہینے میں امیر خلیجی سیاحوں کا اضافہ غیر معمولی بات نہیں ہے، جسے برطانوی میڈیا کی جانب سے’رمضان رش’ کا نام دیا گیا ہے۔واضح رہے کہ لندن میں مسلمانوں بہت بڑی تعداد میں رہائش پذیر ہیں۔