امریکا میں پہلی بار زندہ انسان میں سور کا گردہ لگانے کا تجربہ کیا گیا، گردوں کی بیماری کے آخری مرحلے میں پہنچنے والے 62 سالہ شخص کو جینیاتی طور پر تبدیل شدہ سور کا گردہ لگایا گیا۔
بتایا جاتا ہے کہ ماضی میں ماہرین دماغی طور پر مردہ افراد میں سور کے گردے کا ٹرانسپلانٹ کر چکے ہیں۔میساچیوسٹس جنرل اسپتال کے حکام کا کہنا ہے کہ چار گھنٹے جاری رہنے والی سرجری 16 مارچ کو کی گئی، یہ سرجری مریضوں کو زیادہ آسانی سے دستیاب اعضا فراہم کرنے کی کوشش میں ایک اہم سنگ میل کی نشاندہی کرتی ہے۔
اسپتال کے مطابق مریض صحتیاب ہو رہا ہے اور جلد ہی اسے ڈسچارج کر دیا جائے گا۔ جینیاتی طور پر تبدیلی کر کے سور کے نقصان دہ جینز کو ختم کرکے اس میں انسانی جینز شامل کئے گئے ہیں۔