گلوکار حسین تحسین گلو کے ساتھ ایک شام منائی گئی

لاہور (پ ر) پنجاب انسٹیٹیوٹ آف لینگوئج، آرٹ اینڈ کلچر میں گذشتہ روز ملک کے نامور گائیک/گلوکار حسین بخش گلو کے ساتھ ایک شام کا اہتمام کیا گیا جس میں حاضرین کی ایک کثیر تعداد نے شرکت کی۔ ڈائریکٹر جنرل پلاک خالد محمود قاضی اور ڈائریکٹر پلاک ڈاکٹر صغریٰ صدف نے ادارہ کی طرف سے حسین بخش گلو کو پھولوں کا گلدستہ پیش کیا۔ اس تقریب کے مہمان خصوصی طارق مقصود ڈائریکٹر جنرل آڈٹ جبکہ صدارت ڈاکٹر ارشد محمود سپیشل سیکرٹری فنانس نے کی۔ دیگر مہمانان اعزاز میں منیر احمد چشتی ڈی آئی جی ریلوے پولیس محمد آصف باجوہ ایم پی ڈسکہ، غلام مصطفےٰ چیف ایڈیٹر واپڈا، ڈاکٹر نذیر حسین، عبدالباسط جسرا اور قیصر نواز خان شامل تھے۔