حلقہ ارباب ذوق کا ہفت روزہ اجلاس

لاہور (کلچرل رپورٹر) حلقہ ارباب ذوق کا ہفت روزہ اجلاس ڈاکٹر اختر شمار کی صدارت میں الحمرا ادبی بیٹھک لاہور میں منعقد ہوا۔ سیکرٹری حلفہ ڈاکٹر غافر شہزاد نے گذشتہ اجلاس کی کارروائی پڑھ کر سنائی جس کی توثیق عدم اعتراض کی بناءپر صاحب صدر ڈاکٹر اختر شمار نے کی۔ اجلاس میں افسانہ ”دردِ آشنا“ محمد جواد نے پیش کیا جبکہ غزل جاوید قاسم اور نظم شفیق احمد خان نے پیش کی۔ گفتگو کرنے والوں میں ڈاکٹر اختر شمار، نجیب احمد، شفیق احمد خان، غفور شاہ قاسم، نون عین صابر، زاہد مسعود، محمد جواد، ارشد چودھری، امجد طفیل اور منظر حسین جعفری شامل تھے۔ اجلاس کے دیگر شرکاءمیں ڈاکٹر شاہدہ دلاور شاہ، وسیم عباس، زبیدہ حیدر زیبی، ملک طارق جاوید، ایم آر شاہد، افضل عاجز، اعجاز رضوی، ارشد رفیق، منشا قاضی، ڈاکٹر جہانزیب، افشاں سیمی، محمد اسحاق حیدر، فاطمہ غزل، ذاکر خواجہ، آغا ارشد، ایثار باجوہ، قائم نقوی، عزیز شیخ، محمد خالد خان وغیرہ شامل تھے۔ اجلاس کے آخر میں بزرگ شاعر ذوقی مظفرنگری کے وصال پر قرارداد تعزیت پیش کی گئی اور فاتحہ خوانی کروائی گئی۔