دورہ افغانستان کیلئے خیبر پی کے کرکٹ ٹیم کے کھلاڑیوں کا اعلان کر دیا

لاہور (سپورٹس رپورٹر+ نمائندہ سپورٹس)دورہ افغانستان کیلئے خیبر پی کے کرکٹ ٹیم کے کھلاڑیوں کا اعلان کر دیا گیا۔ٹیسٹ کرکٹر یونس خان ٹیم کے کپتان اور یاسر حمید نائب کپتان ہوں گے۔ ٹیم 28 مئی کو افغانستان کے دورے پر روانہ ہو گی۔  29 مئی کو پہلے ٹی ٹوئنٹی میچ سے دورے کا آغاز کرے گی۔ دوسرا ٹی ٹوئنٹی میچ 30 مئی جبکہ تیسرا 31 مئی کو کھیلا جائے گا۔ تین ایک روزہ میچوں کی سیریز کا پہلا میچ2 جون، دوسرا میچ 4 جون جبکہ تیسرا میچ 5 جون کو کھیلا جائے گا۔ پہلا چار روزہ میچ سات جون سے جبکہ دوسر 12 جون سے 15 جون تک کھیلا جائے گا۔ خیبر پی کے کے ٹیم میں یونس خان(کپتان) یاسر حمید (نائب کپتان) فضل اکبر، عمران خان جونیئر‘عادل امین، افتخار احمد، اسرار اللہ ‘عدنان رئیس‘ کامران غلام‘ رفعت اللہ  مہمند‘ احمد جمال‘ امجد آفریدی، خالد عثمان،رضوان احمد، گوہر اور تاج ولی۔سابق ٹیسٹ کرکٹر اور قومی سلیکٹر وجاہت اللہ  واسطی کوچ اور اختر سرفراز اسسٹنٹ کوچ ہوں گے۔