مصر: شمالی سیناء میں بکتربند گاڑی کے قریب دھماکہ، 3 فوجی ہلاک

قاہرہ (اے پی پی) مصر کے صوبے شمالی سیناء میں بکتربند گاڑی کے قریب دھماکے کے نتیجے میں3 فوجی اہل کار ہلاک ہو گئے۔ ذرائع ابلاغ کے مطابق نامعلوم مسلح افراد نے الشیخ زوید شہر کے جنوب میں فوج کے گشت کرنے والے دستے کے قریب بارودی مواد کا دھماکہ کر دیا جس کے نتیجے میں ایک افسر سمیت 3 فوجی اہلکار ہلاک ہو گئے۔ دھماکے کے بعد سیکورٹی فورسز نے جائے وقوع کو گھیرے میں لے کر علاقے میں وسیع پیمانے پر سرچ آپریشن شروع کر دیا ہے۔