اسلام آباد‘ کراچی(سٹاف رپورٹر‘ نوائے وقت نیوز) امریکی سنٹرل کمانڈ کے سربراہ جنرل جوزف ووٹل نے گزشتہ روز آرمی چیف جنرل قمر جاوید باجوہ ٹیلیفون پر بات کی اور امریکہ میں ایک سکول کے اندر فائرنگ کے باعث پاکستانی طالبہ سبیکا شیخ کے جاں بحق ہونے پر ان سے تعزیت کی۔ آئی ایس پی آر کے مطابق انہوں نے متاثرہ خاندان کیلئے اپنی دلی ہمدرددی کا پیغام بھی دیا۔ واضح رہے کہ کراچی کی سبیکا شیخ سکالر شپ پر امریکہ میں زیر تعلیم تھی جہاں ایک جنونی طالبعلم کی فائرنگ کے باعث سبیکا سمیت دس سے زائد طالبعلم مارے گئے تھے۔سبیکا شیخ کی میت آج کراچی پہنچے گی جہاں جنازے کے بعد سپردخاک کیا جائیگا۔