کراچی(اسٹاف رپو رٹر)امریکی ریاست ہیوسٹن میں جاں بحق ہونے والی 17 سالہ سبیکا شیخ کی نماز جنازہ حکیم سعید گرائونڈ یونیورسٹی روڈ پر ادا کی جائیگی، جبکہ تدفین شاہ فیصل کالونی عظیم پورہ کے قبرستان میں کی جائیگی۔میڈیا سے گفتگو کرتے ہوئے سبیکاشیخ کے تایانے کہاکہ میت کے آتے ہی نماز جنازہ اور تدفین کرنے کی کوشش کریں گے، میت بدھ کی صبح تین بجے کراچی پہنچے کاامکان ہے۔اس سے قبل سبیکا کے والد نے بتایا تھا کہ امریکا میں دھند ہونے کے باعث پرواز تاخیر کا شکار ہوئی ہے، جلد ہی نماز جنازہ کے وقت کا تعین بھی کرلیا جائے گا، جب کہ سبیکا کی کزن میت کے ساتھ پاکستان واپس آئیں گی۔سبیکا شیخ کی نماز جنازہ پیرکوہیوسٹن کے علاقے شوگر لینڈ کی مسجد حمزہ میں ادا کی گئی۔