لاہور(نامہ نگار)سی سی پی او لاہور بی اے ناصر نے اشتہاریوںکی گرفتاری میں اعلیٰ کارکردگی پر لاہور پولیس کے افسروں اور جوانوں میں نقد انعامات تقسیم کئے۔ انعامات حاصل کرنے والوں میں انسپکٹر، ایس آئی، اے ایس آئی، کانسٹیبلز رینک کے 34 ملازمین شامل تھے اور انہیں مجموعی طور پر ساڑھے گیارہ لاکھ روپے کے انعامات دیے گئے۔ تقریب میں ایس ایس پی ایڈمن اطہر وحید نے بھی شرکت کی۔ سی سی پی او لاہور نے اچھی کارکردگی دکھانے پر جوانوں اور افسروں کو مبارکباد دی۔