لاہور (نامہ نگار) آئی جی پنجاب پولیس رائو سردار علی خان نے دو پولیس افسروں کے تبادلے و تعیناتی کے احکامات جاری کئے ہیں۔ تفصیلات کے مطابق ایس ڈی پی او کبیر والا خانیوال محمد راشد ملک کو تبادلہ کر کے ایس ڈی برکی لاہور تعینات کر دیا گیا ہے جبکہ ایس ڈی پی او برکی لاہور حافظ عبدالماجد کو سنٹرل پولیس آفس پنجاب لاہور رپورٹ کرنے کے احکامات جاری کئے ہیں۔
پولیس کا چھاپہ ،16مقدمات میں مطلوب 3 ڈکیت اسلحہ سمیت گرفتار
سکندرآباد(نامہ نگار)پولیس کا ہوٹل پر چھاپہ ،16مقدمات میں مطلوب 3بدنام زمانہ ڈکیت اسلحہ سمیت گرفتارتفصیل کے مطابق گزشتہ روز تھانہ راجہ رام پولیس کو مخبر نے اطلاع دی کہ عیسیٰ والی پل پر تین افراد موجود ہیں اور ان کے پاس اسلحہ بھی موجود ہے بروقت پہنچ کر ان کو گرفتار کیاجاسکتاہے تھانہ راجہ رام پولیس کی بھاری نفری نے پل عیسیٰ والی پر پہنچ کر تینوں افراد کو اسلحہ سمیت گرفتار کرلیا شناخت کروانے پر گرفتار افراد نے اپنے نام محمدثاقب‘محمدعدنان’محمداکرم بتائے ان سے3تیس بور پسٹل اور گولیاں برآمد ہوئیں تھانہ راجہ رام پولیس کے مطابق تینوں بدنام زمانہ ڈکیت ہیں اور متعد د تھانوں کو درجنوں ڈکیتیوں میں مطلوب ہیں۔
اور کے خلاف مختلف تھانوں میں 16سے زائد مقدمات در ج ہیں گرفتار ڈکتیوں سے تفتیش جاری ہے جن سے اہم انکشافات متوقع ہیں ۔
ڈکیت گرفتار