وادی تیراہ میں ’باغ امن میلہ  2022‘ کی افتتاحی تقریب آج

لاہور(سپورٹس رپورٹر)ضلع خیبر کے علاقے وادی تیراہ میں آج سے 26 مئی تک ’باغ امن میلہ‘ کا انعقاد کیا جا رہا ہے۔ باغ امن میلہ کی افتتاحی تقریب آج ہوگی۔باغ امن میلہ میں جمناسٹک، گھڑ سواری، کرکٹ، والی بال اور رسہ کشی سمیت دیگر کھیلوں کے مقابلوں کا انعقاد کیا جائیگا۔انتظامیہ کے مطابق میلہ میں پاور گلائیڈنگ، پیرا گلائیڈنگ اور پیرا جمپنگ کو خصوصی طور پر شامل کیا گیا ہے۔اس میلہ میں علاقائی فنکار خٹک ڈانس سمیت دیگر علاقائی رقص بھی پیش کریں گے۔باغ امن میلہ تیراہ کو دیکھنے کیلئے پاکستان بھر سے مہمانوں کو مدعو کیا گیا ہے جبکہ خیبر پختونخواہ کے قبائلی علاقوں سے بڑی تعداد میں عوام شرکت کریں گے۔اس ایونٹ کی انتظامیہ کے مطابق خیبر پختونخواہ میں ضم ہونے کے بعد اس قسم کے ایونٹس علاقہ میں ترقی، خوشحالی اور امن کی ضامن ہیں۔