دورہ سری لنکا ‘پاکستان ڈیف کرکٹ ٹیم کے ٹرائلز ‘20کھلاڑی منتخب

لاہور(سپورٹس رپورٹر)اگلے ماہ ہونے والے دورہ سری لنکا کیلئے پاکستان ڈیف ٹیم کے ٹرائلز مکمل ہو گئے، لاہور میں ہونے والے دو روزہ ٹرائلز میں 20 کھلاڑیوں کو منتخب کیا گیا، پاکستان ڈیف کرکٹ ایسوسی ایشن نے  44 کھلاڑیوں کو ٹرائلز میں مدعو کیا گیا تھا۔ جس کیلئے پانچ رکنی سلیکشن کمیٹی جس کے سربراہ علی مرتضٰی تھے جبکہ دیگر ممبران میں عثمان الغنی، عمر فیاض، ذکا احمد اور کومیل کاظمی شامل تھے ۔ ایسوسی ایشن کے صدر عرفان معراج کا کہنا تھا کہ منتخب کھلاڑیوں میں سے ہی سنٹرل کنٹریکٹ کے ناموں کا اعلان کیا جائیگا جو تین کیٹگریز پر مشتمل ہوگا۔ حتمی مشاورت کے بعد کھلاڑیوں کے ناموں کا اعلان کیا جائیگا۔ منتخب کھلاڑیوں کا کیمپ لاہور میں لگایا جائیگا تاکہ دورہ سری لنکا کی بھرپور تیاری کی جا سکے۔