ایشیا ہاکی کپ ، روائتی حریف پاکستان اور بھارت کے مابین آج ٹاکرا

جکارتہ(آئی این پی)جکارتہ میں جاری ایشیا ہاکی کپ کا پہلا میچ روائتی حریف پاکستان اور بھارت کے مابین آج پیرکو کھیلا جائے گا۔ انڈونیشیا کے شہر جکارتہ میں جاری ایشیا ہاکی کپ کا پہلا بڑا مقابلہ میچ پاکستانی وقت کے مطابق شام ساڑھے 4بجے شروع ہو گا۔مزکورہ میچ ایف آئی ایچ کی آفیشل یوئوب چینل و ویب سائٹ سے براہ راست دیکھا جاسکے گا۔پاکستان ہاکی ٹیم کے کپتان عمر بھٹہ نے کہا کہ انشا اللہ پاکستان ہاکی ٹیم بھرپور تیاریوں اور جذبے کیساتھ بھارت کیخلاف میدان میں اترے گی۔ ایشیا ہاکی کپ کے شیڈول کے مطابق ایونٹ ٹیموں کو دو پول میں تقسیم کیا گیا۔پول اے میں انڈیا ،جاپان،پاکستان ،انڈونیشیا جبکہ پول بی میں ملائیشیا ،کوریا،عمان اور بنگلا دیش شامل ہیں۔پاکستان کا دوسرا میچ 24مئی کو انڈونیشیا کیساتھ جبکہ تیسرا میچ 26مئی کو جاپان کیساتھ کھیلے گا۔