ویٹرنز باسکٹ بال  ٹورنامنٹ  کراچی ٹیم کا اعلان 

کراچی (اسپورٹس رپورٹر )امورخہ 30مئی سے اسلام آباد میں شروع ہونے والے "آل پاکستان ویٹرنز میموریل باسکٹ بال ٹورنامنٹ "کے لئے انٹر نیشنل محمد یعقوب کی سربراہی میں سلیکشن کمیٹی کی سفارشارت پرکراچی باسکٹ بال ایسوسی ایشن کے صدر غلام محمد خان نے 17رکنی کراچی باسکٹ بال ٹیم کا اعلان کردیا۔جو کہ آج سے انٹر نیشنل عبدالناصر باسکٹ بال کورٹ آرام باغ کورٹ پر تربیت حاصل کرے گی،جس کے بعد حتمی 12رکنی ٹیم کا انتخاب 26مئی کو کیا جائیگا 2روزہ ٹرائلرز میں سلیکشن کمیٹی میں انٹر نیشنل ظفر اقبال،غلام رسول،فواد علی خان اور ذاہد ملک شامل تھے،جبکہ KBBAکے سیکریٹری طارق حسین نے بحیثیت معاؤن شامل رہے،ٹیم کے کپتان باؤنس کلب کے کپتان محسن ریاض جبکہ نائب کپتان کراچی باسکٹ بال کلب کے راج کمار لکھوانی ہونگے۔دیگر کھلاڑیوں میں دانیال احمد،شاپ میر ظہیر،محمد اطہر،انس عثمان،طلحہ امجد،محمد شبیر،علی متقوی اور حمزہ خواجہ شامل ہیں،کراچی ٹیم کے کوچ زاہد ملک ہونگے۔کھلاڑیوں کو ہدایت کی گئی ہے کہ وہ (آج) مورخہ 23مئی بروز پیر شام 7:30بجے زاہد ملک کو رپورٹ کریں۔دریں اثنائ￿  14واں نیشنل بنک کپ باسکٹ بال ٹورنامنٹ کے مقابلوں کا آغاز آج سے ہوگیا ہے فائنل 27مئی کو 8بجے شب کھیلا جائیگا۔