لاہور(کلچرل رپورٹر)نامور ادیب ودانشور و ڈرامہ نویس عطاءالحق قاسمی کی الحمراءآمد پر ایگزیکٹوڈائریکٹر الحمراءمحمد سلیم ساگر نے خوش آمدید کہا عطاءالحق نے محمد سلیم ساگر کے ہمراہ ڈرامہ فیسٹیول کا افتتاح کیا۔26ویں الحمراءڈرامہ فیسٹیول میں د س ڈرامے پیش کئے جائیں گے۔ انہوں نے کہا کہ الحمراءآرٹس کونسل پہلے کی طرح فعال اور متحرک ہے۔نامور پروڈیوسر و ڈائریکٹر شاہد ندیم نے کہا محمد سلیم ساگر الحمراءمیں خوشگوار اضافہ ہیں۔ ایگزیکٹوڈائریکٹر الحمراءمحمد سلیم ساگر نے کہا نئی نسل ڈرامہ فیسٹیول دیکھنے کے بعد اپنی روایات سے بہتر طور پر آگاہ ہوگی۔فیسٹیول میں ڈرامہ ”ہتک،منٹو سے ملیے،روشنائی،باباجی تے میں،لالی“ پیش کئے جائیں گے۔ 26واں د س روزہ الحمراءتھیٹر ڈرامہ فیسٹیول 22تا 31مئی 2023الحمراءہال نمبر 2میں شام 7بجے پیش کیا جائے گا۔