لاہور(سپورٹس رپورٹر)پشاور تعلیمی بورڈ کے زیراہتمام پشاور بورڈ انٹر کالجیٹ گرلز اینڈبوائز سپورٹس مقابلوں کی الگ الگ تقریبات تقسیم انعامات کا انعقاد کیا گیا ۔ہدف گروپ آف کالجز نے پشاور بورڈ انٹر کالجیٹ اوور آل چیمپئن ٹرافی2022-23 (  بوائز اینڈگرلز) جیت لی۔چیئرمین پشاور بورڈ پروفیسر نصراللہ خان نے بحیثیت مہمان خصوصی شرکت کی۔ میزبانی ڈائریکٹر سپورٹس پشاور بورڈ منظر خان کررہے تھے۔ہدف کالج )گرلز) کیلئے باعث اعزاز ہے کہ ان کی 4 کھلاڑیوں کی انٹرنیشنل ٹیم کیلئے سلیکشن ہو گئی ہے اور وہ اسی سال انٹرنیشنل ٹور پر جائیں گی۔ ان میں مناحل بی بی، حیا نور، عائشہ گلالئی اور ایمن شامل ہیں۔