کھلنا(سپورٹس ڈیسک )ویسٹ انڈیزنے بنگلہ دیش کے387 رنز کے جواب میں ک±ھلنا ٹیسٹ کے دوسرے روز کھیل کے اختتام پرمارلن سیموئلز کی سنچری کی بدولت 2 وکٹ پر241 رنز بنالئے ہیں۔ بنگلہ دیش ٹیم دوسرے روز 387 رنز بناکر آﺅٹ ہوئی۔ ابوالحسن ایک سو تیرہ اور محمود اللہ چھہتر رنز بناکر آﺅٹ ہوئے۔ دونوں نے نویں وکٹ کی ریکارڈ شراکت میں ایک سوچوراسی رنز کا اضافہ کیا۔ فیڈل ایڈورڈز نے چھ وکٹیں لیں۔کرس گیل پچیس اور کیرن پاول تیرہ رنز بناکر آﺅٹ ہوئے۔ تیسری وکٹ کی شراکت میں سیموئلز اور براوو نے سکور میں ایک سو انچاس رنز کا اضافہ کیا اور کھیل کے اختتام تک مارلن سیموئلز ایک سو نو اور ڈیرن براوو پچیاسی رنز پر ناٹ آﺅٹ تھے۔