امریکہ میں تھینکس گِوِنگ ڈے پریڈ پر لاکھوں لوگ سڑکوں پر امڈ آئے۔

نیویارک میں تھینکس گِوِنگ ڈے پریڈ کے موقع پرلاکھوں افراد جمع ہوگئے، پریڈ میں بچوں کے پسندیدہ کارٹون کرداروں کے غبارے بھی فضا میں لہرارہے تھے جنہیں دیکھ کر بچوں کے چہروں پرخوشی امڈ آئی۔ کارٹون کرداروں میں مینڈک، سپائڈرمین اور ایک بڑا فٹبال بھی شامل تھا۔پریڈ میں پینتیس لاکھ افراد موجود تھے، جبکہ قریباً پانچ کروڑ افراد نے ٹی وی سکرین پر یہ منظر دیکھا۔ پریڈ میں شریک ڈانسرز نے اپنے رقص سے بھی لوگوں کو محظوظ کیا، جبکہ سانتا کلاز بھی کسی سے پیچھے نہیں رہے۔امریکہ میں ہونے والی اس سالانہ پریڈ میں اٹھائیس فلوٹ، گیارہ بینڈ اور ہزاروں کی تعداد میں ڈانسرز، چِیئرلیڈرز اورسانتا کلاز شریک تھے۔