قائداعظم ٹرافی گریڈ ون کا پانچواں مرحلہ آج سے شروع ہو گا  

لاہور (سپورٹس رپورٹر+ نمائندہ سپورٹس) پاکستان کرکٹ بورڈ کے زیر اہتمام قائد اعظم ٹرافی گریڈ ون ٹورنامنٹ کا پانچواں مرحلہ آج سے ملک کے مختلف سنٹرز میں شروع ہوگا جس میں ریجنز کی ٹیمیں ایک دوسرے کے جبکہ ڈیپارٹمنٹس کا حریف ڈیپارٹمنٹس کے ساتھ مقابلہ ہوگا۔ لاہور بلیوز ٹیم اور پشاور ریجن کے درمیان میچ لاہور سٹی کرکٹ ایسوسی ایشن گراونڈ میں شروع ہوگا۔ قذافی سٹیڈیم لاہور میں دوسرا میچ لاہور وائٹس اور فاٹا ریجن کے درمیان کھیلا جائیگا۔ اسلام آباد اور حیدر آباد ریجن کی ٹیمیں ڈائمنڈ گراونڈ اسلام آباد میں مدمقابل ہونگی۔ پورٹ قاسم اور سوئی نادرن گیس پائپ لاثن کی ٹیمیں اقبال سٹیڈیم میں جبکہ راولپنڈی اور کراچی پوائٹس کی ٹیمیں پنڈی سٹیڈیم راولپنڈی میں آمنے سامنے ہونگی۔ نیشنل بنک اور واپڈا کے درمیان میچ جناح سٹیڈیم سیالکوٹ، سوئی سدرن اور یو بی ایل کی ٹیموں کے درمیان میچ مرغزار گراونڈ اسلام آباد جبکہ حبیب بنک اور کے آر ایل کی ٹیمیں نیشنل سٹیڈیم اسلام آباد میں مد مقابل ہونگی۔