بھلوال (نامہ نگار) چک 22 شمالی کے قریب اجنالہ روڈ پر کار تیز رفتاری کے باعث آگے جانے والی ٹرالی سے ٹکرا گئی جس کے نتیجہ میں ماں بیٹی جاں بحق جبکہ چار افراد شدید زخمی ہوگئے۔ پیپلز کالونی فیصل آباد کا محمد اقبال کار پر بھلوال سے واپس فیصل آباد جا رہا تھا کہ چک 22 شمالی کے قریب اس کی کار تیز رفتاری کے باعث آگے جانے والی ٹرالی سے ٹکرا گئی جس کے نتیجہ میں اقبال کی بیوی رخسانہ اور بیٹی طائبہ موقع پر جاں بحق ہوگئیں جبکہ اقبال، بیٹا حمزہ اور دو بیٹیاں رائبہ اور عائشہ شدید زخمی ہوگئے، جنہیں بھلوال سے سرگودھا ڈی ایچ کیو ہسپتال میں ریفر کردیا گیا ہے۔