کراچی میں رینجرز کا دہشتگردوں اور جرائم پیشہ عناصر کے خلاف کارروائیوں کا سلسلہ جاری ہے۔ لیاری ایکسپریس وے،عیسی نگری قبرستان، بلوچ پاڑہ، منو گوٹھ میں رینجرز نے سرچ آپریشن کیا۔ سرچ آپریشن کے دوران علاقے کے داخلی و خارجی راستے سیل کردیئے گئے۔ سرچ آپریشن میں پینتیس سے زائد مشتبہ افراد کو حراست میں لے لیا گیا۔ ملزمان کے قبضے سے اسلحہ اور منشیات برآمد کرلی گئیں۔ سرچ آپریشن کے دوران پانچ مفرور ملزمان بھی گرفتار کرلئے گئے۔ گرفتار مفرور ملزمان میں رئیش مما، منہاج، شہناز، رحیم اور عمران شامل ہیں۔  لیاری بغدادی میں سرچ آپریشن کے دوران پولیس اور لیاری گینگ وار کےملزمان میں مقابلہ کے بعد تین ملزمان ہلاک ہوگئے۔ مارے گئے ملزمان کی شناخت جبار، عبدالرحیم اور رضوان کے نام سے ہوئی ہے۔