اسلام آباد (نامہ نگار) انسداد دہشت گردی کی عدالت نے ججز نظر بندی کیس میں ملزم پرویز مشرف کیخلاف کیس کی سماعت 8دسمبر تک ملتوی کر دی، عدالتی مفرور کی طرف سے آپ کیسے پیش ہو سکتے ہیں۔ فاضل جج کا ملزم کے وکیل سے استفسار، قانونی معاونت کریں، پراسیکیوٹر نے مؤقف اپنایا کہ ملزم کے ناقابل ضمانت وارنٹ گرفتاری جاری ہو چکے ہیں، مستقل استثنیٰ کی درخواست خارج ہو چکی ہے لہذا جب تک ملزم حاضر نہیں ہوتا اسوقت تک نہ ہی اسکا کوئی وکیل عدالت میں پیش ہو سکتا ہے اور نہ ہی کوئی درخواست قابل قبول ہے۔