حدیبیہ پیپر ملز کا مجسم ثبوت لندن ہسپتال کے بستر پر پڑا ہے :اعتزاز احسن

اسلام آباد (آن لائن) پیپلز پارٹی کے رہنما سینیٹر اعتزاز احسن نے کہا ہے کہ حدیبیہ پیپر ملز کا مجسم ثبوت لندن ہسپتال کے بستر پر پڑا ہے ، نواز شریف عدلیہ پر حملوں اور اپنے اقدامات سے جمہوریت کو ڈی ریل کررہے ہیں ۔ صحافیوں سے گفتگو کرتے ہوئے انہوں نے کہا پیپلز پارٹی جمہوریت کو ڈی ریل نہیں کررہی بلکہ نواز شریف خود عدلیہ پر حملوں اور اپنے اقدامات سے جمہوریت کو ڈی ریل کررہے ہیں۔ اعتزاز احسن نے کہا حدیبیہ پیپر ملز کا مجسم ثبوت لندن ہسپتال کے بستر پر پڑا ہے جسے نواز شریف واپس نہیں آنے دے رہے کیونکہ شریف خاندان کیخلاف چلتا پھرتا ثبوت اسحاق ڈار ہیں ان کا مزید کہنا تھا کہ شہباز اور نثار کا پارٹی میں جوگروپ بن رہا تھا اس کو خاموش کرادیا گیا ۔