راولپنڈی( اپنے سٹاف رپورٹرسے ) پاکستان مسلم لیگ ن کے رہنماء امیدوارحلقہ این اے 60سجادخان نے کہاہے کہ اللہ تعالیٰ نے ہمارے پیارے نبی حضرت محمدمصطفی خاتم النبین ﷺ کوتمام جہانوں کے لئے رحمت بناکرمبعوث کیاآپ ﷺ نے اللہ تعالیٰ کے احکامات کوانسانوں تک پہنچانے کیلئے اپنے اعلیٰ وارفع اخلاق وکرداراوراسوہٗ حسنہ کوذریعہ بنایاجس کااعتراف اپنے توکیاغیربھی کرتے تھے اسی لئے آپ کوصادق اورامین کاخطاب ملاہمارے لئے بہتریہی ہے کہ اپنے بنی کریم ﷺ کے اسوہٗ حسنہ کواپناکراپنی زندگی بسرکریں اسی میں ہماری دنیااورآخرت میں کامیابی اورفلاح ہے عیدمیلادالنبی ﷺمنانامسلمانوں کے ذریعہ نجات ہے ان خیالات کااظہارانہوں نے عیدمیلادالنبی ﷺکے مرکزی جلوس کے دوران کمیٹی چوک میں دانیال شیخ کی جانب سے لگائے جانے والے استقبالیہ کیمپ میں میلاداورسیرت کمیٹیوں کے ممبران عاشقان محمدﷺکوانعامات دینے کے موقع پرخطاب کرتے ہوئے کیاسجادخان نے سیرت اورمیلادکمیٹیوں کے ممبران سے کہاکہ آپ جو نعت خوانی کرتے ہیںاورسرورکونین ﷺ کی خدمت میں درودوصلوۃ وسلام پیش کرتے ہیں یہ اللہ تعالیٰ کی خوشنودی حاصل کرنے کابہترین طریقہ ہے ۔