لاہور( سپورٹس ڈیسک) ویمنز ورلڈ کپ کوالیفائر میںآج مزید چار میچوں کا فیصلہ ہو گا۔ آئی سی سی کے زیر اہتمام خواتین ورلڈ کپ کوالیفائر کے دلچسپ مقابلے زمبابوے میں جاری ہیں۔ منگل کو گروپ اے میں ٹورنامنٹ کے تیسرے میچ میں آئرلینڈ اور ویسٹ انڈیز کی خواتین ٹیمیں مدمقابل ہوں گی۔ اسی گروپ کا دوسرا میچ ہالینڈ اور سری لنکا ویمنز کے درمیان کھیلا جائے گا۔ گروپ بی میں پاکستانی ٹیم اپنا دوسرا میچ تھائی لینڈ کے خلاف کھیلے گی، پہلے میچ میں اسے بنگلہ دیش ویمنز کے ہاتھوں شکست کا سامنا کرنا پڑا تھا۔ گروپ بی کا دوسرا میچ بنگلہ دیش اور امریکا کے درمیان کھیلا جائے گا۔